Jarraian azaldutakoa xakera jokatzeko osagarri teknikoa da, Bizkaiko Federakuntzak Aldundiko Eskolarteko Jokoen araudia osatzeko prestatu duena.
JOKOAREN ARAUAK
Lehiaketa honetako parte-hartzaileak oso gazteak dira FIDEren araudia ezartzeko. Beraz, beti errespetatu beharreko 3 arau aldaezin baino ez dira egongo, eta gainerako kasuak arbitroaren interpretazioaren araberakoak izango dira.
Pieza ukitua, pieza mugitua (eta pieza ukitua, jandako pieza)
Pieza askatua, utzitako pieza
Legez kanpoko jokaldiak ez du partida galarazten
Oharra: Hautazkoa da benjamin eta kimuetan, baina derrigorrezkoa ume eta kadeteentzat, bai Banakako Txapelketetan bai taldekakoetan, bere Faseetariko edozeinetan.
Erlojuaren erabilera: Bigarren Fasean eta taldekako Lehiaketaren Amaieran, Umeen eta Kadeteen kategorian, erlojua erabiliko da eta jokalari bakoitzari 40 minutu emango zaizkio.
Jakina denez, jarraian azaldutakoa zehatz-mehatz betetzeko parte-hartzaileen adina eta Lehiaketaren garrantzia kontuan hartuko dira.
Antolakuntzak, txapelketetako fase bakoitzean irakatsi beharko ditu ondoren azaldutako arauak. Logikoa denez, Aurreko Faseko Txapelketetan malguagoak izan beharko dugu Amaierako Fasean baino.
Jokatu baino lehen elkarri bostekoa eman behar diote.
Ezin da berba egin partidak dirauen bitartean.
Elkarrekin joan beharko dute arbitroari emaitza ematera (Banakako Lehiaketan)
Partida amaitutakoan, piezak berriro bere lekuan kokatu beharko dute.
Partida amaitutakoan, Joko Aretotik atera behar dute.
Begirale, ordezkari edo kapitain dihardutenek hurrengo arauak jarraitu beharko dituzte:
Aktak behar den bezala betetzea.
Beren jokalariei eta antolakuntzari jakinarazi beharko diete alde bietatik helduko zaien guztia.
Beren lekukotzaren bidez arbitroen zeregina erraztea.
Arbitroa ordeztea, hura topaketa batean egon ezin denean.
Beren jokalariak zaintzeaz eta beraiei arreta emateaz arduratuko dira, ikastetxeak edo dagokion eremuak esleitutako guztiari dagokionez.
Banakako Lehiaketan bere ardurapeko jokalarien interesak begiratuko dituzte (bikoteak, berdinketa-hausteak…).
(OHARRA: Lehiaketaren antolatzaileek ordezkariaren kreditazioa kendu ahal izango diote esleitu zaizkion zereginak betetzen ez dituenari.)
Jakina denez, jarraian azaldutakoa zehatz-mehatz betetzeko parte-hartzaileen adina eta Lehiaketaren garrantzia kontuan hartuko dira.
Jokalariak, epaileak, ordezkariak eta antolakuntzaren kideak baino ezin dira Joko Aretora sartu.
Banakako Lehiaketarako, begiraleak ere ezin dira sartu, partida hasi denetik 5 minutu igaro direnean.
FIDEren eta Eskolarteko Lehiaketaren arauak interpretatuko ditu. Bere irizmena jokalariek, begiraleek eta antolakuntzak berak onartu beharko dute. Jokalarien arteko gatazkarik egonez gero, hurrengo prozedura jarraituko dute:
Jokalariek epaileari deitzeko eskua altxatu beharko dute edo Lehiaketa taldekakoa izanez gero, begiraleari eskua altxatuta deituko diote eta azken honek epaileari deituko dio.
Epailea gatazka sortu den mahaira joango da.
Jarraian, aldeetariko bakoitzari eta, horrelakorik egotekotan, hirugarrenei, banan-banan entzungo die.
Azkenik, behin betiko erabakia hartu eta gero, jokalariek ezin izango dute arbuiatu eta ebatzitakoa onartu beharko dute.
Banakako txapelketan 4 lehiaketa egongo dira.
Horiek amaitutakoan, sailkapen bat osatuko da, jokalari bakoitzak lortutako hiru emaitza onenen puntuak batuta. Puntutan berdinduz gero, laugarren lehiaketaren datuak ere zenbatuko dira.
Finala jokatzeko, 20 jokalari hoberenak sailkatuko dira. Sexu bakoitzeko gutxienez 4 jokalari ez badaude, beharrezko direnak gehituko dira.
Bigarren urteko kimuak eta umeak Eusko Jaurlaritzak zehaztutako kopuruaren arabera sailkatuko dira.
Lehiaketa bat jokatuko da izena eman nahi duten talde guztiekin.
Kimuen eta umeen lehenengo 4 taldeak Bizkaiko Eskolarteko Jokoetara sailkatuko dira.
Umeen lehenengo talde biak EAEko Txapelketara sailkatuko dira.